原整片段：https://www.youtube.com/watch?v=C4ATwMW5pPc&ab_channel=RTHK%E9%A6%99%E6%B8%AF%E9%9B%BB%E5%8F%B0
你知唔知我哋餐廳嘅蔬菜嚟自邊度？其實，好多都係嚟自銀杏館自家「樂活有機農莊」㗎！我哋堅持本地種植，確保每一啖都夠晒新鮮又健康！我哋嘅農莊自2009年開始種植有機蔬菜，春天有爽甜沙律菜，秋冬就有蘿蔔、芥蘭，每季都有新驚喜！每日最新鮮嘅收成，直送餐廳，由銀髮師傅用心烹調，變成一道道充滿人情味嘅家常菜！
另外，我哋餐廳嘅廚餘同咖啡渣都會回收再用，變成農場嘅天然肥料，做到真正嘅「從餐桌回到農田」，為環保出一分力！農場同餐廳唔單止提供美食，更加係長者發揮所長嘅地方。嚟銀杏館食飯，即係支持本地農業同長者就業，一舉兩得！
Comentarios